വടിയും കുത്തിപ്പിടിചെന്നമ്മൂമ്മ
പീടിയില് പോയി വരുന്ന കണ്ടോ
കയ്യിലെ മധുരപ്പൊതിയഴിച്ചിട്ടെ ഡാചെക്കാ
കൊതിയൂറല്ലേ ന്നു ചൊല്ലാറുണ്ടോ
പൂവാക പൂക്കുന്ന കാലത്തെന് മുറ്റത്ത്
പൂമെത്തയിപ്പൊഴും നിവരാറുണ്ടോ
ആമ്പലറുക്കുവാന് തുമ്പക്കുളത്തില്
ചാടും കിടാങ്ങളിന്നും എത്താറുണ്ടോ
പൊന്നാര്യന് കൊയ്യുമ്പോള് പുളയും
വരാലിനെ പിടികൂടുമുത്സവമിന്നുമുണ്ടോ
പാടത്തു ഞാറിന്റെ ഏറു നടക്കുമ്പോ
പാടും ചെറുമികള് ഇന്നുമുണ്ടോ
വാലിന്റെയറ്റത്ത് മുറുകെ പിടിക്കുമ്പോ
വാണം പോല് പായുന്ന കാളകളെ
വര്ദ്ധിത വീര്യമോടോട്ടി തെളിക്കുന്ന
കാള പൂട്ടിന്നീണങ്ങള് ഇന്നുമുണ്ടോ
ഓണത്തിന് നാളുകള് ഓടിയെത്തുമ്പോള്
ഈണത്തില് മൂളുന്ന പാട്ടുമായി കുഞ്ഞുങ്ങള്
പാറും പൂമ്പാറ്റ പോലോടിയെത്തി
ചേലൊത്ത പൂവുകള് നുള്ളാറുണ്ടോ
ഇരുളിന് പുതപ്പഴിച്ചൂഴിയുണരുമ്പോള്
കരളിന്നു കുളിരേകും ബാങ്കൊലിയും
സുപ്രഭാതത്തിന്റെ കീര്ത്തനം പാടുന്ന
സുന്ദരഗാനവും ഇന്നുമുണ്ടോ
ഒന്നെരിക്കല് കൂടിയെന് ഗ്രാമത്തില്
ഓടിക്കളിക്കുവാന് ഒന്നു മോഹം
അടരുമീ രാവിന്റെ ഒടുവിലായെങ്കിലും
വിടരുമോ പൊയ്പ്പോയ പൊന്പുലരി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ